Komisioni i Disiplinës dhe Etikës në FSHF ka marrë masë për përjashtimin e 14 tifozëve nga stadiumet shqiptare, duke i konsideruar si përgjegjës për aktet e dhunës të regjistruar në derbin e fundit mes Tiranës dhe Partizanit në stadiumin “Air Albania”, e vlefshme për javën e 15-të të kampionatit shqiptar.
Sipas “Disiplinës”, 14 tifozëve u ndalohet hyrja në stadiumet e futbollit në Shqipëri për një periudhë të pakufizuar kohe. Më konkretisht bëhet fjalë për shtetasit:
– Denis Ahmeti
– Renis Maçi
– Qemal Cano
– Endri Mesiti
– Juxhin Seferi
– Mishel Burreli
– Redi Sinani
– Erinol Dushaj
– Grejsi Sorra
– Lorjan Beqo
– Elvis Qatia
– Herald Huqi
– Donald Ismaili
– Armand Shëngjergji
“Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi. Një kopje e këtij vendimi t`i përcillet Policisë së Shtetit.” – thuhet më tej në njoftim.
Kujtojmë se gjatë ndeshjes Tirana-Partizani, tifozët e dy klubeve gjuanin herë pas here në drejtim të lojtarëve me sende të forta si dhe menjëherë pas ndeshjes, u përleshën në stadium duke shkaktuar kaos dhe dëme në “Air Albania”.
