Partia Demokratike e udhëhequr nga Sali Berisha (Rithemelimi) ka mbajtur pasditen e sotme festimet për 33-vjetorin e krijimit të kësaj partie.
Në ambjentet e një hoteli në Tiranë, ndryshe nga grupi i udhëhequr prej Bashës që e zhvilluan aktivitetin në Pallatin e Kongreseve, Berisha ka kujtuar edhe një herë kohët e themelimit të kësaj partie 33 vite më parë.Ish-kryeministri kujton se si në atë kohë u ngrit një forcë politike e idealeve mes një regjimi komunist.
Si çështje themelore e partisë së tij, Berisha shprehet se ka qenë gjithnjë interesi dhe çështja kombëtare. Sipas tij kjo çështje u harrua me qëllim prej pazareve, gjatë drejtimit të Lulzim Bashës prej vitit 2013. Nga ana tjetër ai vlerësoi besnikërinë e të gjithë atyre që i qëndruan Rithemelimit pavarësisht korrupsionit trans-nacional, siç e quan Berisha.
Sali Berisha: Të tjerë përveç nesh nuk e pranojnë kurrë, interesin kombëtar. Ne nuk do të ishim nëse nuk shpallnim çështjen kombëtare si yllin tonë polar. I qëndruam këtij parimi. Dhe në bashkëpunim të ngushtë me ish-presidentin Rugova ne ia dolëm që çështjen kombëtare ta shndërrojmë në çështje agjende të të gjithave kancelarive të botës. PD pas 2013 i ra vizë kësaj çështjeje dhe ndoqi me përpikmëri qëndrimet anti-kombëtare të Pashiqit të Tiranës, Edi Rama. Përsëri forcë politike e idealeve në kushte të vështira. Se sa e zorshme ka qenë për secilin prej jush të mbështesi Rithemelimin në kushtet kur korrupsioni trans-nacional për të dhënë goditje Partisë Demokratike. Por ju qëndruat besnikë, dhe sot jemi në këmbë. Jemi më të vendosur se kurrë, për të bërë këtë betejë deri në fitoren e PD. Sot jemi 33-vjeçar që të gjthë, jemi në moshën më të fuqishme në betejën pa kthim. Jemi 33 herë më të dijshëm, më vizionar, më të vendosur për të ecur të sigurtë drejt fitores.
