Pas publikimit të lajmit për nxjerrjen e 15 urdhërarresteve nga SPAK dhe që lidhen me aferën e inceneratorit të Tiranës, ka reaguar Partia e Lirisë, përmes Sekretarit të Përgjithshëm, Tedi Blushi.
Në reagimin e tij në Facebook, Blushi shprehet i prerë se arrestimet e SPAK janë të pamjjaftueshme dhe se i vetmi person që duhet të jetë përgjegjës për këtë aferë është Erion Veliaj.
Është pikërisht Erion Veliaj, ai i cili mediat e kanë thënë jo vetëm njëherë se ka vendosur firmën e tij në dokumentin që ka hedhur paratë në një gropë me emrin incenerator, por që vetëm incinerator nuk ka.
“Krimi i vjedhjes me inceneratorin inekzistent dhe nën sekuestro të Tiranës ka emër dhe mbiemër: Erion Veliaj.
E tij është Mega-Firma e paligjshme që i dha jetë kësaj kryevepre korruptive, pa mbledhur Këshillin Bashkiak, duke shkelur ligjin për pushtetin vendor dhe zhytyr në borxh banorët e Tiranës për 30 vite.
Drejtësi, pa marrë të pandehur Erion Veliaj, nuk mund të ketë! Kjo firmë flet vetë!
”, shkruan Blushi.
Lefter Koka- arrest në burg
Alqi Bllako- arrest në burg
Pëllumb Abeshi- arrest në burg
Mirel Mërtiri- arrest në burg
Klodian Zoto- arrest në burg
Erjon Murataj- arrest në burg
Bledar Karoli- arrest në burg
Alba Thoma- arrest shtëpie
Valbona Ballgjini- arrest shtëpie
Taulant Tusha- arrest në burg
Namik Simixhiu- arrest në burg
Sidita Kopliku- arrest shtëpie
Etleva Kondi- arrest shtëpie
Jetmir Llapaj- arrest në burg
Sidita Tola- arrest shtëpie
