Një 29-vjeçar, është arrestuar këtë të enjte në Kavajë, pasi ka thyer masën e sigurisë “Arrest në shtëpi”.
Blutë bëjnë me dije se në pranga ka rënë shtetasi me iniciale. E.K. 29-vjeçarit i ishte caktuar masa “Arrset në shtëpi”, pasi kishte ndihmuar një shtetas në kryerjen e një vrasjeje.
“Specialistët për Hetimin e Krimeve të Komisariatit të Policisë Kavajë kapën dhe arrestuan shtetasin E. K., 29 vjeç, banues në Rrogozhinë, pasi duke dalë jashtë banese, ka thyer masën e sigurisë “Arrest në shtëpi”, të caktuar nga Gjykata, për përkrahje të autorit të krimit, në lidhje me një vrasje të kryer në mars të vitit 2023”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprën penale “Largimi i të burgosurit nga vendi i qëndrimit”.
