Kryetari i Partisë Demokratike Sali Berisha ka treguar se Komisionet Hetimore në parlament janë hallka e fundit e kontrollit të qeverisë.
Berisha theksoi, se drejtësia nuk e kontrollon më Ramën, pasi raportet e Kontrollit të Lartë të Shtetit i hedhin në plehra.
Berisha theksoi se pezullimi me dy muaj i deputetëve opozitar nuk ekziston në asnjë parlament të vendeve europiane dhe kjo shkel sovranitetin e brendshëm të Shqipërisë.
“Rama ka mbledhur pardje Fatmir Xhafën, Arben Rakipin, Taulant Ballën dhe kanë hartuar ligjin për të përjashtuar për 2 muaj deputetët nga parlamenti. Ai po shkelmon sovranitetin e brendshëm të vendit, në kuptimin e sovranitetit si fuqi e qytetarëve për të kontrolluar qeverinë. Ato komisione ngelën të fundit. Drejtësia nuk e bën më, raportet e Kontrollit të Lartët të Shtetit i hedh të gjitha në kosh, nuk pyet fare nëse ekziston. Ai ka dalë tani mbi çdo lloj kontrolli të çdo lloj natyre dhe vendos kontrollin e tij personal. Absolutarizmi është kur pushteti vendoset në një dorë, të gjitha pushtetet në një dorë”, tha Sali Berisha në SYRI TV.
