Partia Demokratike do të depozitojë ditën e nesërme në Gjykatën Kushtetuese, marrëveshjen e nënshkruar mes kryeministrit Edi Rama dhe homologes italiane Giorgia Meloni për strehimin në Gjadër dhe Shëngjin të refugjatëve nga vendet e Afrikës që kapen në brigjet italiane.
Këtë gjë e ka bërë me dije kreu i grupit parlamentar të PD-së, Gazment Bardhi, pas mbledhjes së sotme, teksa tha se do i kërkojnë institucionit të drejtësisë një shqyrtim të shpejtë.
“Sa i takon marrëveshjes me Italinë, kërkesë e cila sipas procedurës kushtetuese do të depozitohet ditën e nesërme pranë Gjykatës Kushtetuese. Kërkojmë shqyrtim të shpejtë profesional nga Gjykata Kushtetuese për të mbrojtur interesin e qytetarëve shqiptarë. Së dyti në mbledhje është diskutuar gjatë për situatën në vend dhe vijimin e aksionit të opozitës, diskutime që do të vijojnë edhe nesër në një mbledhje tjetër të grupit. Kemi rikonfimruar vullnetin për të mos hequr dorë nga mundësia që Kuvendi t’i kthehet rrugës së Kushtetutshmërisë.” – u shpreh Bardhi
Bardhi tha për gazetarët se do të vijojnë aksionin në Kuvend dhe se nuk tërhiqen deri në plotësimin e të drejtave kushtetuese të opozitës. Sipas tij, vendimet arbitrare për përjashtimin e deputetëve të opozitës nuk e pengojnë aksionin e opozitës dhe nuk janë shqetësim për të.
“Janë shenja të një regjimi që po i bën shërbimit më të keq besimit të qytetarëve. Është e papranueshme që ministri i Brendshëm të japë udhëzime se çfarë duhet të një institucionet e drejtësisë. Ato institucione nuk janë ë vartësi të Tualant Ballës. Do të ishte e papranueshme për një shtet ligjor që prokurorët ti vërsulen opozitës se kërkojmë të drejtat tonë. Nuk na trembin dhe as na intimidojmë. Unë di që në radhët e drejtësisë ka prokurorë të ndershëm. Kur mbyllet çdo rrugë institucionale, pa diskutim që kadhe do ketë nevojë për mbështetje dhe protestë të qytetarëve. Protesta në Parlament nuk i bëjmë për veten tonë. Besoj se çdo qytetar e ka për detyrë që të reagojnë. Jemi para një regjimi në të gjitha tiparet e tij.”, u shpreh Bardhi.
