Policia ka identifikuar dy vëllezër që shisnin doza kanabisi në zona të ndryshme të qytetit të Burrelit. Blutë e Matit kanë arrestuar njërin prej tyre shtetasin Jurxhini Sada, 23 vjeç nga Burreli dhe kanë shpallur në kërkim vëllain e tij, shteasin Andi Sada, 22 vjeç.
Gjatë kontrollit në banesën e tyre, Policia ka gjetur 174 doza kanabisi, 47 fara kanabisi, 1 radio marrëse-dhënëse, 1 rrip multifunksional, 1 jelek si të Policisë, si dhe dy shkopinj metalik, një thikë) dhe një krëhër kallashnikovi me 25 fishekë
“Në qytetin e Burrelit, shërbimet e Policisë kanë lokalizuar shtetasin Jurxhini Sada, teksa po drejtonte një automjet tip “Benz”, dhe janë vënë në ndjekje të tij. Shtetasi Jurxhini Sada, sapo ka parë automjetin e Policisë, ka hedhur nga xhami i automjetit, një sasi cannabisi, të ndarë në doza gati për shitje, dhe një përforcues grushti. Shërbimet e Policisë kanë vijuar ndjekjen deri sa kanë bërë të mundur ndalimin e shtetasit Jurxhini Sada, 23 vjeç, banues në Burrel.
Gjithashtu, gjatë kontrollit në banesën e këtij shtetasi, është gjetur një tjetër sasi lënde narkotike cannabis sativa, e ndarë në doza të gatshme për shitje (gjithsesj 174 doza), 47 fara cannabisi, 1 radio marrëse-dhënëse, 1 rrip multifunksional, 1 jelek si të Policisë, si dhe 2 shkopinj metalik, 1 mjet prerës (thikë) dhe 1 krëhër kallashnikovi me 25 fishekë. Sendet u sekuestruan në cilësinë e provës materiale, së bashku me dozat dhe me përforcuesin e grushtit, që u gjetën në momentin e ndalimit, celularin e të arrestuarit dhe me automjetin tip “Benz”, që përdorej për shpërndarjen e dozave të cannabisit.” – thuhet në njoftimin e Policisë.
Policia njofton se vijon puna për kapjen e 22-vjeçarit të shpallur në kërkim. Materialet procedurale i kaluan Prokurorisë së Dibrës për veprime të mëtejshme.
