Gazment Bardhi, teksa fliste për mediat pas mbledhjes me deputetët e opozitës, deklaroi se mund të dialogojnë me mazhorancën nëse ka vullnet politik për t’iu rikthyer Kushtetutës dhe rregullores.
Bardhi tha gjithashtu se mazhoranca është e paqartë në qëdrimet e saj, ndësa shtoi se ata janë të qartë vetëm në qëllimin e tyre për shuarjen e opozitës në Kuvend.
“Mazhorancës i them bëni propozime alternative. Të jeni konkret në pretendimet tuaja, mos flisni me fjalë të përgjithshme sepse nuk ju kuptojmë. Nëse keni vullnet politik, bëhuni konkret dhe hajde t’i diskutojmë gjërat që nuk shkojnë.
Nëse kanë vullnetin politik për t’iu rikthyer kushtetutës dhe rregulloren, gjejmë zgjidhje. Situata në Parlament nuk është normale, por për ta ka qenë.
Mesa kuptova, Berisha ka thënë nuk refuzon asnjë dialog për zbatimin e kushtetutës. Rregulli e kërkon që kur opozita kërkon të ushtrojë një funksionin të saj, nuk vihet në diskutimi. Megjithatë meqë ata kanë një pretendim, ta sjellin me shkrim dhe e diskutojmë. Ne nuk dimë pse janë refuzuar 8 komisione hetimore. Ata janë të paqartë në qëndrimet e tyre, janë të qartë vetëm për të shuar opozitën në Kuvend”, tha Bardhi.
Bardhi ka përshëndetur qëndrimin e partnerëve strategjikë ndërkombëtare sa i takon reagimeve për funksionalitetin e parlamentit.
“Ne mbështesim qëndrimin e partnerëve tanë strategjikë ndërkombëtarëve që kërkojnë një parlament funksional, ku lejohet mbikëqyrja dhe kontrolli ndaj ekzekutivit. Funksionimi i parlamentit është motivi i vetëm për të cilën opozita në parlament është në një betejë për të fituar të drejtat e saj që nga data 5 tetor 2023. Grupi Parlamentar i PD-së që ditën ku ka depozituar kërkesat për Komision Hetimor ka qenë i gatshëm, për të dialoguar me mazhorancën mbi çdo pretendim të tyre për kërkesat për Komision Hetimor.”, tha Bardhi.
