Shqipëria do të sfidojë në transfertë Moldavinë në orën 18:00 në stadiumin ‘Zimbru’, në ndeshjen e vlefshme për kualifikueset “EURO 2024”.
Përsa i përket statistikave të përballjeve mes dy ekipeve, kuqezinjtë ia kanë dalë të triumfojnë 5 herë, ndërsa vetëm një takim ka përfunduar në barazimin 0-0.
Triumfi më i thellë është ai i 14 tetorit 2019 ku Shqipëria mposhte me rezultatin 4-0 në transfertë Moldavinë.
Suksesi i fundit u regjistrua në qershorin e këtij viti në “Air Albania”, ku Kombëtarja e Silvinjos mposhti Moldavinë 2-0 falë golave të Jasir Asanit dhe Nedim Bajramit.
Në këto 6 duele, Shqipëria ka shënuar 14 gola, ndërsa ka pësuar vetëm 2.
