Bashkimi Evropian dhe partnerët perëndimorë kanë përfshirë Serbinë në grupin e vendeve problematike, pasi kanë vënë re se oligarkë dhe biznese të ndryshme ruse përpiqen të anashkalojnë sanksionet e vendosura ndaj Rusisë duke përdorur Serbinë.
Sipas një raporti të revistës “Forbes”, botuar në mediat serbe, të paktën tre banka vazhdojnë të kenë transaksione me Rusinë.
Banka Kombëtare e Serbisë nuk i është përgjigjur interesit të revistës Forbes se cilat banka kanë kryer transaksione pagesash me Rusinë dhe për çfarë produktesh.
Bashkimi Evropian dhe Amerikanët kanë hartuar një listë me rreth 100 artikuj që mund të përdoren në fushën e betejës, duke synuar të zvogëlojnë aftësinë teknologjike të Rusisë për të vijuar luftën.
