Një denoncim për abuzim seksual është bërë nga një nënë në Greqi, ku sipas mediave vedase protagonist është një 30-vjeçar shqiptar.
Rasti është denoncuar nga nëna e një vazje 13 vjeçe e cila ka zbuluar në telefonin e të miturës disa mesazhe me të.
Ngjarja ka ndodhur në Evia, ndërsa ka qenë vëllai i 13-vjeçares që ka njoftuar të ëmën pasi vuri re disa veprime të dyshimta tek motra e tij.
Nëna pretendon para hetuesve se shqiptari e ka joshur të bijën në rrjete sociale ku edhe janë njohur. Sipas saj ai ka këmbëngulur ta takojë, e më pas ka kryer marrëdhënie seksuale me të në makinë.
30 -vjeçari është identifikuar dhe është shpallur në kërkim. Akuzat me të cilat përballet janë “veprime gjenitale me ose përballë të miturve” dhe “fyerje e dinjitetit seksual”. Rasti është duke u hetuar, ndërsa është njoftuar edhe prokurori kompetent.
