Ish-kryeministri, Sali Berisha, ka publikuar pasditen e kësaj të diele një video, ku sipas tij ndodhen anëtarët e bandës së familjes Bajri, duke intimiduar zgjedhësit në qendrat e votimit, më 14 maj në Shkodër.
Berisha akuzon SPAK-un, duke e cilësuar si seksion të Partisë Socialiste dhe të bandës së Bajrit. Ai shprehet se SPAK shpalli moskopetencën për bandën duke e rikthyer dosjen në Shkodër, që çoi më pas në lirimin e anëtarëve të saj.
“SKAP-i i partisë është një seksion i bandës Bajri! Është një organizatë kriminale e cila bashkëpunoi me këtë bandë për të përmbushuar misionet e saj të zeza elektorale.
SKAP-i i partisë pas disa muajsh pseudo hetimesh mbyll dosjen e tyre në Tiranë, duke deklaruar më të paimagjinueshmen, se ata nuk përbënin organizatë kriminale.
Organizata kriminale SPAK transferoi dosjen në Shkodër dhe në Shkodër gjithçka ishte rregulluar, dhe Bajri që i kishte vrarë në gjumë të fejuarën e tij 15 vjeçare, të dali i pafajshëm.
Banda e Bajrit me autokolonën e krimit, bëri gjithçka të instalonte në pushtet një kryebashkiak, mandati i të cilit qëndron mbi krimin, vrasjet, drogën e klanit Bajri”,- shprehet Berisha.
