Zëvendës kryeministrja, njëherësh ministre e Infrastrukturës dhe Energjisë, Belinda Balluku është thirrur sot në orën 15:00 në SPAK.
Burime mediatike bëjnë me dije se Ballukut i është kërkuar që jetë e shoqëruar me avokat.
Prokuroria e Posaçme nuk ka dhënë asnjë detaj për këtë çështje, por gjatë seancës së të enjtes së kaluar, ku kreu Altin Dumani raportoi në kuvend, pranoi se zëvendës kryeministrja është në hetim.
Në rast se Balluku nuk paraqitet vullnetarisht, do të merren masa për shoqërimin e saj të detyruar pranë SPAK-ut.
Belinda Balluku është nën hetim për akuzën e “Shkeljes së barazisë në tenderat publikë”.
