Politologu Ilir Kalamej ka komentuar në ‘MCN Live’ lidhur me incidentin e ndodhur pasditen e djeshme në sallën e Kuvendit ku pati dhe përplasje fizike mes deputetëve.
Ai tha se nga pikëpamja morale ndoshta kjo që po bën opozita është e duhura pasi maxhoramca i ka bllokuar çdolloj mundësie komunikimi. Megjithatë sipas Kalemajt, asnjë formë proteste nuk ka funksionuar dhe çështja e Berishës e komplikon këtë aksion opozitar.
Kur u pyet Berisha për revolucion, ai tha se ende nuk ka nisur. Është paralajmëruar bojkot dhe nga ana tjetër Berisha është i kushtëzuar për të mos përsëritur ato që quajti gabimet e Bashës dhe duke parë këto dy kushtëzime të forta ndeshi ajo që u pa në parlament të bllokohet foltorja. Opozita në sensin moral ka të drejtë ta bëjë këtë gjë se maxhoranca i ka bllokuar çdolloj mundësie që ka opozita për të sjell zërin e qytetarëve, por nga ana tjetër këto na sjellin skema të përsëritura në politikën shqiptare. Politika shërben si urë komunikimi, në këtë sens të kalohet te përplasja fizike është të kthehesh pas dhe nuk është drejtimi i duhur por është ndoshta e vetmja rrugë për të bojkotuar këtë forcë kartoni. Kjo nuk është çështje vetëm e Berishës apo opozitës, por është çështje e zërit opozitar.
I pyetur nëse ky aksion i shërben situatës ku ndodhet sot politika sot dhe do arrij Berisha, Bardhi ti imponohen Lindita Nikollës, Kalemaj tha se ka dy analiza një është ajo e pikëpamjes historike që ka treguar se asnjë formë proteste nuk ka funksionuar.
A kanë funksionuar lëvizjet Nano ik, Rama ik, asnjë formë e përdorur proteste në Shqipëri nuk kanë funksionuar. Se me thënë të vërtetën protestat më të forta i ka bërë Basha, por nuk kanë funksionuar. Ne kemi të drejtën të jemi skeptikë. Por ana tjetër është çfarë ka në dorë opozita sot? Nëse do nxirrte njerëzit në rrugë dhe përdorte nga gurët te bombat molotove do konsiderohej i dhunshëm dhe s’do ishte i denjë për aspiratën që kanë shqiptarët për të hyrë në BE, ndërsa po të rrinte opozita pasive, do rudhej dhe më shumë, prandaj kjo ndoshta është e mesmja e artë që mund të bëjë opozita. Ky është një lajm pozitiv që shpirti opozitarimit nuk ka vdekur por këtu është dhe fakti që opozita është e kapur pasi kemi Berishën përballë drejtësisë dhe kjo e komplikon strategjinë e opozitës për të ardhur në pushtet dhe unifikimin e opozitës në një lidership të vetëm.
Ndërsa duke ju referuar konferencës së Ilir Metës ku foli dhe për marrëdhënien me Berishën, Kalemaj tha se lajmi i ditës së sotme ishte që Meta dhe Berisha nuk janë ndarë, ose më saktë sipas tij lajm do të ishte nqs Meta do kishte tradhtuar Berishën.
Nuk ka lajm në këtë mes, Meta vazhdon të jetë në krah të Berishës, po ashtu dhe Bardhi është në krah të aksionit politik, pra është e unifikuar, përballë ka vetëm një minorancë të pjesës së udhëhequr nga Basha. Nqs Meta do kishte dalë me distancim nga Berisha kjo mund të ishte dhe fatale për Berishën.
