Kreu i Partisë së Lirisë, Ilir Meta ka mbajtur të njëjtin qëndrim si ish-kryeministri Sali Berisha në lidhje me hetimet e SPAK dhe masat e lëshuara për çështjen e ish-kompleksit Partizani.
Në një konferencë me gazetarët, Meta ka akuzar kryeministrin Edi Rama se ka kapur drejtësinë, pasi sipas tij, këtë gjë e tregon fakti se emri i tij nuk është në dosje edhe pse ai ka patur rol kyç.
“Sa i takon qëndrimeve ndaj zotit Berisha nga ana e prokurorëve të SPAK apo të përfaqësuesve të gjykatave dua të shpreh keqardhjen për këtë shitje që nuk është e papritur të ashtuquajturës drejtëis të re, anashkalon parlamentin, mbi Kushtetutën dhe konventat europiane. Është aktakuzë që është bërë në kongresin e PS-së nga Edi Rama. Akt akuzë e diktuar prej tij. Për çështjen e ish klubit Partizani është personi kryesor që ka marrë përgjegjësinë për të bërë ndërrimin e destinacionit nga sportive në destinacion për ndërtim. Dhe po të shikoni emrin i tij nuk del. Përmes kapjes së sistemit të drejtësisë ka garantuar paprekshmërinë e tij dhe përpiqet të përdorë gjykatës dhe prokurorë të caktuar që të godasë opozitën e vërtetë dhe të shfokusojë opinionet publikë nga skandalet qindra miliona euro” – tha Meta.
Ai ka zbuluar dhe arsyen e zhdukjes së tij për disa ditë që prej ditës së arrestimit të Jamarbër Malltezit. Ai u shpreh se këto ditë është marrë me disa çështje dhëndetësore që i kishte lënë pas dore.
“Unë për hir të së vërtetës për arsye personale të çështjes së shëndetit nuk kam qenë shumë i pranishëm publikisht dhe ju jeni shqetësuar . Dua të them se duhet të ruajmë kujtesën, që të jemi koherentë dhe të themi të vërtetën”, tha Meta
