Policia Rrugore në Elbasan njofton se ka arrestuar 49 shoferë gjatë muajit tetor pasi janë kapur duke drejtuar automjetin në gjendje të dehur ose pa leje drejtimi.
Gjithashtu njoftohet se krahas arrestimeve, gjatë muajit tetor janë vendosur mbi 6000 masa administrative për shkelje të rregullave të qarkullimit rrugor.
Njoftimi:
Gjatë këtij muaji, janë arrestuar në flagrancë 49 drejtues mjetesh dhe motomjetesh, për drejtim të mjetit, në gjendje të dehur dhe/ose pa leje drejtimi.
Gjithashtu, si rezultat i monitorimit të akseve rrugore të qarkut, me shërbime të shtuara dhe me pajisje të logjistikës bashkëkohore janë vendosur dhe një seri gjobash.
Gjobat e vendosura nga Policia e Elbasanit gjatë muajit tetor :
•Janë ndëshkuar 3 680 drejtues mjetesh, për qarkullim me shpejtësi tej normave të lejuara;
•Janë ndëshkuar 1411 drejtues mjetesh, për parakalime të gabuara;
•Janë ndëshkuar 822 drejtues mjetesh, për përdorim të celularit, gjatë drejtimit të mjetit;
•Janë ndëshkuar 316 drejtues motomjetesh për mosvendosje të kaskës mbrojtëse;
•Janë ndëshkuar 960 drejtues automjetesh, për mosvendosjen e rripit të sigurimit;
•Janë ndëshkuar 320 drejtues automjetesh, për shkelje të ndryshme të Kodit Rrugor.
