Një grup të rinjsh janë konfliktuar me njëri-tjetrin në ambientet e një lokali në fshatin Labinot-Fushë, në Elbasan, duke përdorur sende të forta dhe mjete prerëse.
Si pasojë e konfliktit kanë mbetur të plagosur 3 persona. M. K. dhe F. K., pasi morën mjekim dolën nga spitali, ndërsa shtetasi Xh. M., ndodhet në kujdesin e mjekëve.
Policia ka vënë në pranga dy persona, Xh. M., 28 vjeç, dhe M. K., 24 vjeç. Gjithashtu ka nisur procedimi në gjendje të lirë për shtetasit F. K., 47 vjeç, A. Z. 44 vjeç, E. B., 24 vjeç, A. M., 56 vjeç, dhe A. B., 48 vjeç.
“Specialistët për Hetimin e Krimeve të Komisariatit të Policisë Elbasan arrestuan në flagrancë shtetasit:
Xh. M., 28 vjeç per veprat penale “Plagosja e lehtë me dashje”, “Prodhimi, mbajtja, blerja apo shitja pa leje e armëve të ftohta” dhe “Prishja e qetësisë publike”;
M.K., 24 vjeç, për veprat penale “Plagosja e rëndë me dashje” dhe “Prishja e qetësisë publike”.
Gjithashtu, u referuan materialet në Prokurori ku nisi procedimi në gjendje të lirë për shtetasit:
F.K., 47 vjeç, A. Z. 44 vjeç, E. B., 24 vjeç, A. M., 56 vjeç, dhe A. B., 48 vjeç, për veprat penale “Prishja e qetësisë publike” dhe “Plagosja e lehtë me dashje”.
Këta shtetas janë konfliktuar me njëri-tjetrin, në ambientet e një lokali, në fshatin Labinot-Fushë, duke përdorur sende të forta dhe mjete prerëse. Si pasojë, janë dëmtuar shtetasit M. K. dhe F. K., të cilët pasi morën mjekim dolën nga spitali, si dhe shtetasi Xh. M., i cili ndodhet në kujdesin e mjekëve.
Në cilësinë e provës materiale janë sekuestruar 1 mjet prerës dhe 3 celularë.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
