Seanca plenare e ditës së sotme në Kuvend ka nisur me përplasje mes përfaqësuesve të opozitës dhe atyre të mazhorancës.
Deputetët e opozitës vendosën të bllokonin foltoren e Kuvend. Në këto kushte, kryeparlamentarja vendosi që t’ja japë fjalën deputetit socialist Vullnet Sina, duke e udhëzuar të shmangte fjalimin në foltore dhe të fliste nga vendi.
Teksa deputeti socialist Vullnet Sina fliste nga vendi, kolegu i tij demokrat Bledio Nallbati i fiku mikrofonin. Pas kësaj mes dy ligjvënësve pati përplasje fizike, ndërsa deputetë të tjerë dhe garda u përfshijnë për të shuar gjakrat.
Pas kësaj skene, drejtuesja e Kuvendit Lindia Nikolla vendosi të ndërpresë përkohësisht seancën, ndërsa më vonë njoftoi përjashtimin e Nallbatit nga seanca.
Në një fjalim të transmetuar direkt në rrjetet sociale, kreu i PD Sali Berisha përsërit akuzat se mazhoranca po bllokon në mënyrë të jashtëligjshme nga mazhoranca.
“Kjo skenë që shihni ju sot, kjo skenë që përbën një provokacion të ulët, banditesk ndaj opozitës e krijon fakti sepse këta bajlozë krimi në qeveri, këta hajdutë që kanë humbur çdo normë etike, morale, ligjore na përjashtojnë ne deputetëve të opozitës nga të drejtat kushtetuese të deputetit. Një nga të drejtat më themelore kushtetuese të deputetit në parlament është e drejta e tij së bashku me 35 deputetë të tjerë të ngrejë komision hetimor parlamentar për të bërë transparencën për problemet e mëdha që ai konsideron. Kjo e drejtë e sanksionuar nga kushtetuta nuk mund ti mohohet askujt. Mbledhja e firmave për një komision hetimor parlamentar, është automatike ngritje e komisionit. Por kjo nuk ndodh, sepse Edi Rama i ngërthyer nga aferat e tmerrshme vjedhje dhe korrupsioni, në drogë. Këta që besojnë se mund të shkelmojnë kushtetutën, këta janë banditë, këta janë një bandë e turpshme që nuk kanë asnjë moral dhe ligj”, tha Berisha.
Me rinisjes e seancës, tensionet vijuan, ndërsa deputetët e opozitës u fiknin mikrofonat atyre socialistë. Mes tensionesh, Nikolla vendosi ndërprerjen e seancës disa herë.
