Rasti i përdhunimit të një 26-vjeçareje nga tre djem në qytetin e Vlorës, vijon të jetë në sitën e hetimeve teksa detaje të reja dalin në dritë.
Nëna e 26-vjeçares ka folur ditën e sotme lidhur me ngjarjen, teksa ka thënë se vajza e saj është droguar. Ajo rrëfen se e reja ka dalë për një kafe me një prej të rinjve dhe më pas ata e kanë droguar dhe kanë abuzuar me të.
“Vajza ka ardhur në shtëpi dje që doli nga spitali. Me telefonin tim foli me ju vajza. Ajo tregon se vajti në lokal me një shok për të pirë. Ishte në banjo, i kishte hedhur drogën në gotë, i kishte thënë edhe këtë gotë do ta pish. Në spital nuk e di kush e ka dërguar. Nuk e di të të them. Ne duam të gjejmë të vërtetën. Tani shteti të veprojë. Kërcënime nuk kemi pasur. Tek spitali kishte shkuar e ëma e një djali tek vajza. Më tha vajza që kishte shkuar”,- rrëfen e ëma.
Ndërkohë ditën e sotme gjykata caktoi masën “Arrest me burg”, për shtetasit Albi Ceno dhe Oltjan Tahiri, të cilët akuzohen si autorë për përdhunimin e të resë, teksa është shpallur në kërkim shoku i tyre Gentjano Mehmeti, gjjithashtu i implikuar në ngjarje.
