Një aksident ka ndodhur mesditën e kësaj të hëne në Shkodër. Një djalë i ri ka përplasur me makinë një 60 vjeç në rrugën “Qemal Draçini”.
Ky i fundit është nisur drejt spitalit për ndihmë mjekësore, ku raportohet se është jashtë rrezikut për jetën.
Ndërkohë 19-vjeçari është shoqruar për veprime të mëtejshme proceduriale.
“Rreth orës 10:30, në rrugën “Qemal Draçini”, automjeti me drejtues shtetasin, 19 vjeç, banues në fsharin Sheldi, Shkodër, ka aksidentuar shtetasin 60 vjeç, banues në fshatin Dobër, Malësi e Madhe, i cili është jashtë rrezikut për jetën”,- njofton Policia.
Grupi hetimor ndodhet në vendngjarje dhe vijon punën për sqarimin e rrethanave të aksidentit.
