Nënkryetari i Partisë Demokratike, Luçiano Boçi ka reaguar së fundmi lidhur me akuzat e ngritura nga SPAK për ish-kryeministrin Sali Berisha, dhe arrestimin e Jamarbër Malltezit.
Përmes një postimi në rrjete sociale, Boçi shkruan se akuzat e ngritura janë të sajuara, dhe ky është një projekt kriminalo-politik për të zhdukur opozitën.
Reagimi:
Vetëdemaskimi i SPAK
Struktura e posaçme antikorrupsion hodhi tej sot veladonin e drejtësisë duke veshur kostumin politik.
Sot ai u përshfaq në nënlëkurën e vet. Atë të prokurorisë speciale politike të viteve më të errëta të diktaturës.
Me akuza të sajuara, me shkelje lirie e me shkelje ligjore, SPAK si vazhdim i PS, rrëzoi sot çdo iluzion drejtësie.
Ky i sotmi ishte një akt “juridik” i vendosjes së diktaturës pas aktit politik të grabitjes së pushtetit nga Rama.
Ndërsa propaganda frenetike që vazhdon ndjek linjën e manipulimit të opinionit.
Projekti kriminalo-politik për të zhdukur opozitën është hartuar dhe po aplikohet nga Rama nën ethet e revanshit bllokist.
Inferioriteti i tij sot ka marrë pamjen e agresivitetit të veshur me pushtet.
