Policia ka reaguar pas plagosjes së rëndë në Pazarin e Korçës ku një 36-vjeçar ka plagosur me mjet të mprehtë shtetasen A. M., 52 vjeçe dhe shtetasin V. Sh., 60 vjeç, në momentin kur ky i fundit ka ndërhyrë për të neutralizuar situatën.
Dy të plagosurit u dërguan për mjekim në spitalin e Korçës, ku ndodhen jashtë rrezikut për jetën
Bëhet me dije se autori, i cili dyshohet se vuan nga probleme të shëndetit mendor, është vënë në pranga.
“Më datë 19.10.2023, rreth orës 10:00, në lagjen nr. 8, në zonën e Pazarit, Korçë, shtetasi J. M., 36 vjeç, banues në Korçë, ka dëmtuar me mjet të mprehtë, shtetasen A. M., 52 vjeçe dhe shtetasin V. Sh., 60 vjeç, në momentin kur ky i fundit ka ndërhyrë për të neutralizuar situatën, të cilët u dërguan për mjekim në spitalin e Korçës, ku ndodhen jashtë rrezikut për jetën.
Nga të dhënat e para dyshohet se autori i ngjarjes, vuan nga probleme të shëndetit mendor. 36-vjeçari menjëherë u kap nga shërbimet e Policisë dhe aktualisht ndodhet i shoqëruar në ambientet e Komisariatit për veprime të mëtejshme.”– njofton policia.
Grupi hetimor po punon për sqarimin e plotë të rrethanave të ngjarjes.
