Një 28 vjeçar është arrestuar ditën e sotme në Durrës pasi akuzohet se është autor i disa vjedhjeve te kryera në qytet.
Blutë bëjnë me dije se në pranga ka rënë shtetasi Orges Skandaj, i cili auzohet për veprat penale “Vjedhja” dhe “Prodhimi dhe shitja e narkotikëve”.
“Specialistët e Komisariatit të Policisë Durrës, në bashkëpunim me shërbimet e Forcës Operacionale të DVP Durrës, bënë të mundur finalizimin me sukses të operacionit të koduar “Topolino”, në kuadër të të cilit u bë i mundur identifikimi, lokalizimi, kapja dhe arrestimi i shtetasit:
- S., 28 vjeç, banues në lagjen nr. 16, Durrës, i cili ka grabitur në 3 banesa, konkretisht:
- Më datë 12.10.2023, në lagjen nr. 3, Durrës, ka vjedhur në një banesë, bizhuteri floriri të ndryshme me vlerë 8000 euro;
- Më datë 15.09.2023, në lagjen nr. 3, Durrës, në një banesë, ka vjedhur sende me vlerë;
- Më datë 22.07.2023, në lagjen nr. 4, Durrës, në një banesë, ka vjedhur 9 ora dore të markave të ndryshme dhe 1 laptop.
Janë sekuestruar në cilësinë e provës materiale një pjesë e sendeve të vjedhura, konkretisht: 1 laptop, 9 ora dore të markave të ndryshme, 3310 euro, 1 çantë marsup, 2 celuarë, 1 automjet, si dhe 1 çelës universal (topolino) që shërben për hapjen e dyerve, rrobat e përdorura nga autori gjatë kryerjes së vjedhjeve dhe nje sasi lënde e dyshuar narkotike cannabis sativa e gjetur gatë kontrollit të banesës së autorit.
Vijon puna për zbardhjen e vjedhjeve të tjera që mund të ketë kryer shtetasi O. S”,- njofton Policia.
Materialet procesurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
