Teksa mbahet seanca plenare e Kuvendit, një grup minatorësh po protestojnë para parlamentit.
Me pankarta në duar dhe me brohoritje ata kërkojnë statusin e minatorëve.
“Po vidhni miliona ndërsa populli ha bukë thatë. Më i larti tensioni sesa pensioni”, shkruhet në disa prej pankartave që protestuasit mbajnë në duar.
Ndërkohë njëri prej minatorëve bëri thirrje se duhet të shikohet pensioni i minatorëve.
“Fëmijët tuaj i çoni nëpër botë. I kërkojmë parlamentit të shikojë pensionin e minatorëve”, tha ai për mediat.
