Është publikuar identiteti i shqiptarit që u arrestua pasditen e sotme në pikën e kalimit kufitar të Kapshticës, pasi u kap me arsenal armësh.
Bëhet me dije se në pranga ka rënë shtetasi Xhimi Hoxha, banues në Tiranë, të cilit i janë gjetur në sendiljen e pasme të mjetit 3 armë zjarri kallashnikov, 1 pistoletë TT dhe një sasi fishekësh.
I arrestuari ka qenë në makinë i shoqëruar me një tjetër shtetas me inicialet M.V, i cili është shoqëruar dhe po kryhen procedurat e nevojshme dhe është duke u pyetur nga forcat e policisë së drejtorise vendore të policisë së Korçës.
Shtetasi i arrestuar po përpiqej të kalonte kufirin shqiptar drejt atij grek.
