Policia ka reguar lidhur me një video të publikuar ditën e sotme në rrjet, ku një mesuese kap për flokësh një nxënese në një shkollë në Farkë.
Lidhur me rastin blutë bëjnë me dije se nga hetimet për sqarimin e rrethanave të ngjarjes, ka rezultuar se videoja daton në tetor të vitit 2022, është filmuar për shaka, dhe mësuesja me nxënësen gëzojnë raporte shumë të mira.
“Në lidhje me një video të publikuar ditën e sotme, në portalin “JOQ”, ju sqarojmë se:
Menjëherë pas publikimit të pamjeve filmike është marrë kontakt me shtetasen R. Sh., mësuese në një shkollë në Farkë, dhe nxënësen që shfaqet në video, për sqarimin e rrethanave në të cilat është filmuar videoja.
Nxënësja që shfaqet në video, është pyetur në prezencë të prindërve të saj, psikologes së shkollës, si dhe punonjëses për mbrojtjen e fëmijëve, e cila ka pohuar se videoja është filmuar në tetor 2022, dhe me mësuesen kanë raporte shumë të mira e në asnjë moment mësuesja në fjalë, nuk ka ushtruar dhunë ndaj saj, por videoja është filmuar për shaka.”,- thuhet në njoftimin e policisë.
