Një i moshuar është gjetur pa shenja jete pasditen e kësaj të marten në Tiranë.
Viktima është identifikuar si shtetasi A. Ç., 83 vjeç, ndërsa në trupin e tij nuk janë konstatuar shenja dhune, dhe dyshohet se ka ndërruar jetë për shkaqe natyrale.
Blutë bëjnë me dije se i moshuari ishte dënoncuar i zhdukur pasi kishte humbur kontaktet me familjarët.
“Më datë 03.10.2023, pas Njësisë Administrative Dajt, është gjetur pa shenja jete dhe pa shenja dhune, shtetasi A. Ç., 83 vjeç.
Ky shtetas është shpallur në kërkim nga Komisariati i Policisë Nr. 4, pas kallëzimit të bërë nga familjarët për largim nga banesa”,- njofton Policia.
Grupi hetimor po punon për zbardhjen e rrethanave të ngjarjes.
