Dy të mitur janë proceduar këtë të dielë në Fier, pasi akuzohen për konsumim të lëndëve narkotike.
Blutë bëjnë me dije se procedimi ka nisur për dy shtetas të mitur përkatësisht të moshave 15 dhe 16 vjeç, pasi gjatë kontrollit policia u ka gjetur doza të vogla kanabisi.
“Specialistët referuan materialet në Prokurori dhe nisi procedimi në gjendje të lirë për dy shtetas të mitur 15 vjeç dhe 16 vjeç, pasi gjatë kontrollit fizik, shërbimet e Policisë i gjetën dhe i sekuestruan këtyre shtetasve një sasi të vogël lënde të dyshuar narkotike cannabis sativa”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
