Një 53-vjeçar ka rënë në prangat e policisë së Shkodrës pasi ishte shpallur në kërkim.
Policia njofton se 53-vjeçari Gegë Tefaj nga Shkodra ishte në kërkim për një deklaratë të rreme që ka dhënë para prokurorit për një vrasje të ndodhur në Shkurt të vitit 2022 në lokalin në pronësi të tij në Grudë të Re. Bëhet fjalë për vrasjen e 47 vjeçarit Prekë Tonaj.
Gjykata e Shkodrës kishte dhënë ndaj tij masën e sigurisë ‘arrest me burg’ për dëshmi të rreme.
Policia arrestoi 30 vjeçarin Eduart Kësolla si autor të vrasjes pasi dyshohet se ka lidhje me konfliktet e hasmërisë mes dy fiseve.
