Detaje të reja kanë dalë në dritë nga ngjarja që ndodhi mesditën e kësaj të marte në Rrëshen, ku u qëllua për vdekje me breshëri plumbash, Martin Bardhi.
Siç bëri të ditur për mediat, drejtori i Policisë së Lezhës, Marku ndodhej në lokalin e tij në momentin kur dy persona të maskuar hapën zjarr ndaj tij.
Autorët e maskuar janë larguar nga vendi i ngjarjes me një fuoristradë, e cila u gjet e djegur pas ngjarjes, në fshatin Gëziq, Mirditë, siç mund të shihet dhe në videon e mëposhtme.
Ndërkohë nga plumbat mbetën të plagosur edhe tre persona të tjerë që ndodheshin në tavolinë me viktimën, të cilët raportohet se janë në gjendje të rëndë shëndetësore.
Sa i përket motiveve të ngjarjes, Elezi deklaroi para mediave se fisi Bardhi ka qenë në konflikte me fise të tjera, kjo dihej në zonë.
