Tre persona kanë mbetur të plagosur nga të shtënat me breshëri kallashnikovi që vranë Martin Bardhin në qendër të Rrëshenit paraditen e sotme.
Të plagosurit janë dërguar në spitalin e Traumës për të marrë ndihmë mjekësore. Të plagosur kanë mbetur Ilir Bardhoku, ish-drejtor në bashkinë e Mirditës dhe Olti Gjini pronar i lokali, si dhe Indrit Bardhi.
“Në vijim të informacionit të dhënë në lidhje me ngjarjen e ndodhur në Rrëshen, ku nga shtetas ende të paidentifikuar, u vra me armë zjarri shtetasi M. M. (B.)., ju informojmë se si pasojë e të shtënave, kanë mbetur të plagosur me armë zjarri, shtetasit I. B., I. B. dhe O. Gj., të cilët kanë qenë në afërsi të vendit ku ka ndodhur ngjarja dhe janë transportuar në spital, për të marrë ndihmën mjekësore.“- njofton policia.
