Një vrasje me armë zjarri është regjistruar mëngjesin e kësaj të mërkure në Banjë të Malishevës në Kosovë.
Mediat kosovare raportojnë se autori është shtetasi Isuf Zogaj, ndërsa viktima është shtetasi Avni Basha. Dyshohet se ata ishin shok me njëri-tjetrin dhe një konflikt i çastit ka çuar në kryerjen e aktit të rëndë. Që të dy ata ishin miq me njëri-tjetrin edhe në rrjetet sociale.
Që të dy, janë edhe miq në rrjete sociale me njëri tjetrin. Avni Basha është gjetur i vrarë në rrugë, ndërsa pak minuta më vonë është dorëzuar në Polici edhe autori Isuf Zogaj.
“Rreth orës 07:15 është raportuar se në fshatin Banjë-Malishevë, viktima mashkull i moshës madhore është gjetur pa shenja jete, dyshohet të jetë qëlluar me armë zjarri. Ekipi mjekësor i cili ka dalë në vendin e ngjarjes ka konstatuar vdekjen e tij. Një person, po ashtu mashkull i moshës madhore, është dorëzuar në Stacionin Policor në Malishevë dhe nga hetimet e para dyshohet se i njëjti, për motive ende të panjohura, ka qëlluar viktimën me armë zjarri”, ka thënë zëdhënësi i Policisë për rajonin e Gjakovës, Sheremet Elezaj.
Autoritetet policore dhe prokurori i shtetit kanë dalë në vendin e ngjarjes dhe janë duke u ndërmarr veprimet e nevojshme hetimore për zbardhjen e plotë të ngjarjes.
