Mbuluar nga uji dhe balta janë me dhjetëra fshatra në zonën e Thesalisë në Greqi, disa ditë pas goditjes nga stuhia ‘Daniel’.
Toka e Thesalisë është mbuluar nga miliona metra kub ujë, i cili ka përmbytur një sipërfaqe prej rreth 720 mijë hektarë. Nga ana tjetër 38 banorë të zonës janë kuruar me probleme me stomakun, ndërsa pritet që numri i tyre të shtohet. Autoritetet mjekësore bëjnë thirrje që të mos përdoret për asnjë arsye uji në zonat e dëmtuara, si dhe të largohen urgjentisht kafshët e mbytura.
Epidemiologët paralajmërojnë për përhapjen e epidemive serioze si Ethet e Nilit Perëndimor nga mijëra kafshë të mbytura dhe ujërat e pista. Greqia mbetet e ndarë në dy pjesë me autostradën Athinë -Selanik të jetë akoma nën ujë e baltë. Problemet me të cilat përballen banorët janë madhore, pasi ka mungese në ushqime e veshmbathje, me gjithë funksionimin e platformës për fonde financiare mbështetëse nga qeveria greke. Refugjatët e kampit në Thesali transferohen sot në kampe të tjera të Greqisë pasi ndërtesat do të përdoren për strehimin e banorëve që kanë humbur shtëpitë.
