Një sherr ka ndodhur këtë të hënë në Greqi, ku tre shqiptarë janë konfliktuar me njëri-tjetrin në parkingun e Stadiumit Komunal Galataki të Korinthisë.
Sipas mediave të huaja shqiptarët, (njëri prej tyre kishte me vete fëmijët e tij) shkuan në stadium për të ndjekur një ndeshje futbolli të Kategorisë së Dytë të Kampionatit Vendor.
Teksa arritën në parkingun e stadiumit, një tjetër person, po ashtu me origjinë shqiptare, iu afrua dhe filloi të shante dhe më pas sulmoi dy nga tre personat dhe nisi t’i godiste.
Por sulmi nuk u ndal me kaq. Sulmuesi më pas ka marrë një send nga një automjet i parkuar dhe i ka sulmuar sërish duke i plagosur. Në fund, me ndërhyrjen e personave të tjerë, autori mundi të largohet. Siç rezultoi nga hetimi i policisë greke, bëhet fjalë për një 64-vjeçar, i cili pas kontrolleve u gjet dhe u arrestua.
