Me ndeshjen Partizani-Laçi, është mbyllur edhe java e dytë e Kategorisë Superiore aty ku nuk kanë munguar golat dhe rezultatet surprizë.
Të premten, Erzeni barazoi me rezultatin 2-2 kundër Vllaznisë në Rrogozhinë, ndërkohë që Skënderbeu mundi Dinamon me rezultatin 1-0.
Në barazim 2-2 u mbyll ditën e djeshme takimi mes Teutës dhe Tiranës, ndërkohë që sot ka fituar Egnatia në transfertë ndaj Kukësit me rezultatin 0-4 si edhe Partizani 1-0 ndaj Laçit në shtëpi.
Pas javës së dytë, Skënderbeu kryeson kampionatin e vetme me 6 pikë, teksa ndiqet nga Vllaznia dhe Tirana me nga 4 pikë.
Egnatia dhe Partizani janë në kuotën e 3 pikëve, por të kuqtë kanë edhe një ndeshje më pak, për shkak se në javën e parë nuk luajtën ndaj Teutës.
Në kuotën e 2 pikëve është Erzeni që mban vendin e 6, ndërkohë që Teuta dhe Laçi kanë nga një pikë.
Fundi i klasifikimit i takon Dinamos dhe Kukësit, me të dyja skuadrat që kanë pësuar 2 humbje në javët e para.
REZULTATET / JAVA 2
Erzeni 2-2 Vllaznia
Skënderbeu 1-0 Dinamo
Teuta 2-2 Tirana
Kukësi 0-4 Egnatia
Partizani 1-0 Laçi
Klasifikimi:
