Dy persona janë arrestuar dhe një tjetër është proceduar këtë të shtunë në Fier, pasi akuzohen për vepra të ndryshme penale.
Blutë bëjnë me dije se në pranga ka rënë shtetasi E.P , pasi mbante me vete mjete të ftohta, dhe shtetasi S.H pasi ka dhunuar bashkëdhorten.
Ndërkohë është proceduar një shtetas i mitur pasi akuzohet për grabitje.
“Specialistët për Hetimin e Krimeve të Komisariatit të Policisë Fier arrestuan në flagrancë shtetasin E. P., 28 vjeç, banues në Fier, pasi gjatë kontrollit të ushtruar në automjetin që drejtonte, shërbimet e Policisë gjetën dhe sekuestruan në cilësinë e provës materiale, një përforcues grushti.
Po nga këta specialistë u referuan materialet në Prokurori ku nisi procedimi në gjendje të lirë për një shtetas të mitur 16 vjeç, pasi ka vjedhur automjetin e shtetasit A. M. Automjeti u sekuestrua në cilësinë e provës materiale.
Specialistët për Hetimin e Krimeve të Komisariatit të Policisë Divjakë arrestuan në flagrancë shtetasin S. H., 56 vjeç, banues në Grabian, pasi dyshohet se ka ushtruar dhunë ndaj bashkëshortes së tij”,- njofton Policia.
