Një ngjarje e rëndë ka ndodhur pasditen e kësaj të shtune, në ishullin Salamis në Greqi.
Një shtetas shqiptar rreth 55 vjeç është ekzekutuar me armë zjarri, brenda banesës së tij. Viktima është identifikuar si Aleksandër Zaka, me origjinë nga Lushnja i cili siç raportojnë mediat e huaja u gjet i vrarë në banesë me një plumb pas koke.
Zaka u gjet i pajetë nga miku i tij, Fatjon alias Dritan Pjetri, 42 vjeç nga Lezha. Raportohet se Pjetri, nuk ka precedent penal dhe është shoqëruar për tu marrë në pyetje nga policia.
Autori i vrasjes dyshohet të jetë një bashkatdhetar (shqiptar) por ende nuk është konfirmuar zyrtarisht nga autoritetet greke.
Mësohet se Zaka kishte 15 vite pa u kthyer në vendndlindje. Ende nuk dihen shkaqet dhe rrethanat e ngjarjes së rëndë, autoritetet greke vijojnë hetimet lidhur me rastin.
