Kreu i Partisë së Lirisë, Ilir Meta ka reaguar në lidhje me vendimin e SPAK për sekuestrimin e inceneratorit të Tiranës.
Në një postim në rrjetet sociale, Meta shkruan se kjo aferë nuk duhet të ishte toleruar kaq gjatë, por reagimi i SPAK është një lajm pozitiv edhe pse shumë i vonuar.
“Pa asnjë diskutim, siç kanë treguar të gjitha provat, siç kanë treguar të gjitha faktet e paraqitura nga ana jonë prej kohësh, kjo është kryevepra kriminale, pra afera e inceneratorëve që ka ndodhur në vendin tonë për fat të keq dhe që është toleruar për një kohë të gjatë.
Në këtë drejtim, këtë lajm të fundit, e vlerësojmë shumë të vonuar, megjithatë është sidoqoftë një lajm pozitiv.” – shkruan Meta.
