Një 33-vjeçar është arrestuar ditën e sotme në Librazhd, pasi është kapur duke transportuar dru të prera pa dokumentacionin përkatës.
Blutë bëjnë me dije se janë sekuestruar drutë, dhe kamioni që po kryhej transporti i tyre.
“Shërbimet e Komisariatit të Policisë Librazhd, në vijim të kontrolleve me qëllim parandalimin dhe goditjen e krimeve mjedisore, kanë intensifikuar kontrollet dhe si rezultat, në fshatin Katjel, kapën shtetasin 33 vjeç, duke transportuar me automjetin kamion, 12 m3 lëndë drusore, pa dokumenntacionin përkatës.
Në vijim të veprimeve, u referuan materialet në Prokurori ku nisi procedimi në gjendje të lirë, për shtetasin për veprën penale “Prerja e paligjshme e pyjeve”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
