Deputeti i PD-së, Gazment Bardhi ka reguar, pasi grupi i Lulzim Bashës, i hoqi të drejtën e vulës, menjëherë pasi ky i fundit me një grup deputetësh njoftuan se do të mblidhnin Këshillin Kombëtar për të mosnjohur farsën zgjedhore të 29 Korrik, ku Basha kërkon të “rimarrë” kreun e grupit të tij edhe në letra.
Në një reagim për mediat, Bardhi e konsideron si një veprim dhe akt qesharak të marrë nën efektin e dëshpërimit. Sipas tij, statusi i partisë nuk ndryshohet me vendim të Kryesisë dhe aq me pak me vendim pa kuorum të Kryesisë.
Reagimi i Gazment Bardhi:
“Nuk e kam zakon te komentoj veprime dhe akte qesharake dhe nen e efektin e dëshpërimit. Por për kureshtjen tuaj:
Vula administrohet sipas nenit 8 të Statutit dhe urdhrit nr. 218, datë 07.11.2019 të Kryetarit të Partisë; ndërsa dokumentimi, arkivimi, dhe protokollimi behet sipas nenit 21 të Statutit të Partisë dhe rregullave të miratuara me udhëzimin nr. 8, datë 19.01.2020 të Sekretarit të Përgjithshëm. Statuti i Partisë nuk ndryshohet me vendim të Kryesisë, e aq me pak me vendim pa kuorum të kryesisë! Statuti është vullnet i përbashkët i rreth 7000 anëtarëve të Kuvendit Kombëtar të PD. Për këtë arsye, për zhvillimet në PD referojuni vetëm dispozitave të Statutit, se me letra me firma mund tju vij keto ditë edhe ndonjë vendim për sekuestrimin nga “Kryesia e PD” e kurorës së mbretit të Anglisë!”
Grupi i Bashës vendosi që vulën t’ia kalojë në përdorim sekretarit për çështjet ligjore dhe zgjedhore, Indrit Sefës
