Studentët e Universitetit të Mjekësisë nuk janë lejuar ditën e sotme të futen në komisionin e ligjeve, aty ku po diskutohet projektligji për punësim të detyruar për mjekët e rinj.
Ata kanë bërë kërkesë për tu dëgjuar në komision, por ua kanë mbyllur derën. Kështu studentët në një dalje për mediat kanë paralajmëruar që më datë 20 do të jenë para parlamentit, ku pritet të kalojë edhe projektligji.
“Me datë 20 do të jemi në parlament, ku do të bëhet edhe votimi, duam të na bashkohen edhe më shumë maturantë, edhe prindër, se e dinë me ca sakrificash i sjellin në Tiranë”– thanë ata për mediat.
