Një aksident ka ndodhur këtë të Hënë në aksin rrugor Korçë- Pogradec.
Një automjet tip “Golf”, ka humbur kontrollin e për pasojë është përplasur me barrierat anësore të rrugës. Si pasojë është plagosur 1 person që ishte duke udhëtuar në automjet, dhe është dërguar në spital për ndihmë mjekësore.
Sipas burimeve nga spitali mësohet se i plagosuri ndodhet jashtë rrezikut për jetën.
Ndërkohë ekspertët e qarkullimit rrugor po punojnë për të zbardhur të gjithë dinamikën e ngjarjes.
Njoftimi i policisë:
Sot në aksin rrugor “Korçë-Pogradec”, pranë fshatit Symiz, Maliq, shtetasi A. C., duke drejtuar një automjet tip “Volkswagen”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar shtetasi G. D., pasagjer në automjet, i cili u transportua për mjekim në spitalin e Korçës.
Grupi hetimor po punon për përcaktimin e shkakut të daljes nga rruga.
