Kryetari demokrat Sali Berisha është ndalur edhe njëherë te afera e inceneratorëve, ku ka theksuar se nuk ka popull apo shoqëri që mund të tolerojë një aferë të tillë.
Berisha thotë se do u drejtohet shqiptarëve për të kërkuar largimin e kësaj qeverie me protesta.
“Nuk ka popull, shoqëri që mund të tolerojë këtë aferë. Në asnjë vend të botës, një qeveri që ka kryer këtë nuk qëndron. Dhe në qoftë se qëndron, qëndron për dobësinë e opozitës. Prandaj ne do u drejtohemi shqiptarëve për të kërkuar largimin e kësaj qeverie me protesta. Kjo është një aferë e tmerrshme!” – shkruan Berisha në Facebook.
