Gjykata e Lezhës ka liruar nga burgu Redion Hysën, edhe pse Prokuroria kërkoi që ai të dënohej me 20 vite burg, por është shapllur i pafajshëm në lidhje me akuzat për vrasjen e ish-efektivit Xhuliano Prela.
Ky i fundit, i cili mbante detyrën e efektivit të Forcave të Ndërhyrjes së Shpejtë të Shkodrës, u ekzekutua me armë zjarrit në orët e para të mëngjesit të 6 dhketorit të vitit 2020, teksa po lëvizte me automjetin e tij në drejtim të Tiranës.
Redion Hysa bashkë me kushëririn e tij Sokol Hysa u arrestuan nga Policia e Lezhës me 28 dhjetor të vitit 2020, pasi dyshoheshin se kishin qëlluar me breshëri automatiku në drejtim të karburantit, kamerat e të cilit kishin filmuan vrasjen policit. Pas veprimeve hetimore ndaj dy te rinjve u ngritën akuzat “Mbajtjes pa leje te armeve dhe municioneve” dhe “Kanosjes me arme”, ndërsa në cilësinë e provës materiale u sekuestruan 28 gëzhoja.
Pas një kontrolli policia gjeti një armë zjarri pistoletë në depozitën e ujit qe ndodhej mbi tarracën e shtëpisë se Redion Hysajt, dhe rezultoi se ishte përdorur në ngjarjen ku mbeti i vrarë efektivi Xhuliano Prela. Ekspertiza balistike, ka provuar shkencërisht se pistoleta që mbahej e fshehur në depozitën e ujit, ka kryer 3 qitje në fshatin Gajush të Lezhës, vend i cili u gjend i pajete, efektivi i policisë.
Por, Redion Hysa i ka mohuar gjithnjë këto akuza dhe pretendonte se po mbahej padrejtësisht në burg, teksa sot gjykata e ka shpallur të pafajshëm.
Në lidhje me vrasjen e efektivit Xhuliano Prela, është akuzuar dhe i ndjeri Brilant Martinaj, si dhe miku i tij, Nikoll Sherrniku, i cili ndodhet aktualisht në burg. Dyshohet se Xhuliano Prela u ekzekutua nga Brilant Martinaj, pasi ka qenë personi i vetëm me të cilin u shkëmbye në rrugë, pasi ishte kohë pandemie dhe shkaku i sherrit dyshohet të kenë qenë dritat e gjata.
