Policia e Tiranës ka dalë me një komunikatë shtesë në lidhje mezjarrin e rënë mesditën e sotme në parkingun e një pallati në zonën e Astirit.
Blutë e kryeqytetit bëjnë me dije se nga verifikimet e kryera ka rezultuar se autor i dyshuar i kësaj ngjarje është shtetasi E. L., 36 vjeç, me probleme të shëndetit mendor, i cili dyshohet se gjatë një konflikti me babain e tij shtetasin S. L., i ka vënë zjarrin automjetit të tij.
Përveç makinës së autorit, janë djegur edhe disa automjete të tjera të parkuara në parkingun e pallatit. Mësohet se 36-vjeçari është shoqëruar në spital për ndihmë mjekësore pasi ka pësuar dëmtime të lehta si pasojë e zjarrit.
Në ambientet e Komisariatit të Policisë Nr. 6 është shoqëruar shtetasi S. L., i cili ishte prezent bashkë me 36-vjeçarin, gjatë ngjarjes.
