Janë zbardhur të tjera mesazhe kërcënuese ndaj të Lulzim Majës, i afërmit i dy të dhunuarve Jashar dhe Bilbil Maja nga fisi Rraja ne një lokal në Borizanë të Fushë Krujës.
“Ta tregoj unë ty kur të takohemi nga afër”.
“Mbaje mend çfarë do të bëj”.
“Ajo që ka ndodhur nuk është asgjë para asaj që do bëj”, janë disa nga mesazhet kërcënuese.
Përmbajtja e mesazheve është në duart e hetuesve të Policisë së Tiranës, ku 43-vjeçari bëri kallëzim. Mesazhet janë dërguar nga disa adresa false, të cilat po verifikohen nga njësia krimeve kibernetike.
Vetë Lulzim Maja mësohet se ka deklaruar se mesazhe të tilla kërcënuese ka marrë edhe para dhunës së ushtruar ndaj dy kushërinjve të tij.
Nisur nga kjo grupi hetimor po heton për veprat penale “Kanosja” dhe “Përdorimi me keqdashje i thirrjeve telefonike”.
