Ditën e sotme ne Gjykatën e Elbasanit janë dhënë konkluzionet përfundimtare të avokateve për ngjarjen e 21 Prillit 2021 ne Elbasan ku mbeti i vrarë Pjerin Xhuvani.
Prokuroria në konkluzionet e saj përfundimtare kërkoi 25 vite burg për Arben Paplekajn duke i qëndruar akuzës në nisje të gjykimit, “vrasje në rrethana cilësuese”.
Pala mbrojtëse e Paplekas ka argumentuar vrasjen në kushte vetëmbrojtëse duke marrë parasysh dhe dëshmitë e dhëna nga dëshmitarët, duke kërkuar kështu pafajësinë e Arber Paplekas.
Sipas mbrojtjes prokuroria nuk ka marrë parasysh as eskpertizën mjeko ligjore të kërkuar nga vetë organi i akuzës ku mjekët shprehen se në momentin e ngjarjes Arbër Papleka ka qenë në gjendje të rënduar psikike ( e cilësuar si afekti fiziologjik) çka ka sjellë vetëdije të dobësuar dhe e shkaktuar nga rrethanat e një sulmi të papritur i cili ndodhi në pak sekonda dhe ku u desh nje reagim i menjëhershëm i ndodhur nën breshërinë e plumbave për të mbrojtur jetën.
Nga ana tjetër Xhensila Sota kërkon që Arbër Paplekaj të mos gjykohet për plagosjen e saj. Kjo deklaratë i është shtuar dosjes si shprehje vullneti e Sotas.