Deputeti demokrat Edi Paloka ka reaguar, aspak i befasuar, pas publikimit të pamjeve ku familjarë të deputetit socialist Rrahman Rraja dhunojnë në mënyrë barbare dy banorë të Fushë Krujës.
Në një postim në faqen e tij në facebook Paloka shkruan se “me këta e për këta Rama ka marrë dhe mban pushtetin?!”.
Paloka, drejtuar qytetarve, shprehet se “ia keni shitur shpirtin bashkë me votën dhe tani prisni sa t’ju vijë radha!”.
Postimi i plotë:
Çfarë ka për tu skandalizuar ?! Çfarë prisni nga Rama ?! Me këta e për këta Rama ka marrë dhe mban pushtetin?!
E kujtoni kur Rama fliste me krenari për të zgjedhurit e tij që i zgjidhnin punët shumë shpejtë e “pa burokraci , me një shkop bejsbolli në dorë”?
Ky është kryeministri që duam dhe që “fiton” çdo herë me më shumë vota. Ja keni shitur shpirtin bashkë me votën! Prisni sa t’ju vijë radha!
LEXO EDHE:
“Vrite, vrite”/ Del VIDEO, si grupi i Rrajave masakruan me dru bejsbolli dy persona