Ka nisur me debate të ashpra seanca e sotme në Kuvend, ku deputetët po diskutojnë në lidhje me projektligjin e qeverisë që detyron studentët e mjekësisë që të punojnë 5 vite në Shqipëri pas ciklit të studimeve.
Socialistët kërkojnë që ky projektligj të futet në rendin e Kuvendit me procedurë të përshpejtuar, ndërkohë që nisma është kontestuar nga deputetët e opozitës të cilët pohojnë se kjo është një masë ekstreme që nuk mund të merret pa u konsultuar me grupet e interesit.
Deputetja Albana Vokshi e ka cilësuar si një procedurë skandaloze detyrimin e studentëve të mjekësisë të cilëve u mbahet “peng” diploma për 5 vite në një kohë kur vendi ynë po përballet me shifra alarmante të shpopullimit.
Vokshi ironizoi deputetët e mazhorancës, pasi sipas saj, fëmijët e tyre perfundojnë studimet jashtë Shqipërisë. Deklarata e Vokshit është kundërshtuar nga kryeparlamentarja Lindita Nikolla e cila ia ndërpreu fjalën, pasi i tha po flet përçart dhe jo për procedurë.
Përplasja Vokshi-Nikolla:
Albana Vokshi: Ku i keni çuar fëmijët tuaj për të studiuar? Pse të tjerët duhet që të Qeveria ka miratuar një vendim…po flas për procedurë
Lindita Nikolla: Jo nuk po flet për procedurë, po flet përçart.
Albana Vokshi: Kjo procedurë është skandaloze.
Gjithashtu edhe deputetja e PD-së, Flutura Açka ka dalë kundër kalimit me procedurë të përshpejtuar në Kuvend të projektligjit për punësimin e detyruar të studentëve të Mjekësisë pas përfundimit të Universitetit.
Flutura Açka: “Duhet ta bëjmë Shqipërinë Është masa ekstreme dhe nxitimi juaj është i pavend. Nuk keni arsye përse të nxitoni. Nuk është konsultuar me grupet e interesit, studentët. Nuk e shoh të arsyeshme që të vijë në Parlamenti me kaq nxitim. Nëse nuk i keni bërë mirë detyruar, mbarojini dhe pastaj merruni me studentët. E papranueshme që t’i vendosim me dhunë këto masa. Jam për të marrë masa që fëmijët të mos ikin, por jo në këto forma absurde që i kishim harruar. E shoh të pavend që ta kaloni me kaq nxitim. Është masë ekstreme, ju këshilloj edhe në emër të Komisionit tim të bëni hap mbrapa, do jetë një precedent që do të ketë pasoja edhe për ju si mazhorancë”
