Kryetari i PD-së, Sali Berisha shprehet se korrupsioni dhe përplasja Gjiknuri-Balluku kanë lënë pa furnizuar Orikumin me energji nga stacioni i ri elektrik.
Berisha publikon në rrjetet sociale një denoncim ardhur në adresë të tij, ku ngrihen dyshime se korrupsioni nga ana e Gjiknurit dhe më tej përplasja e tij me Ballukun ka pamundësuar këtë shërbim për banorët e Orikumit.
Po ashtu, në mesazh thuhet se nëse rrjeti 20kV me linja kabllore të futura nën tokë do kishte përfunduar, do të ishte shmangur edhe ngjarja me një humbje jetë ndodhur disa ditë më parë.
Në postimin në FB, Berisha shkruan:
Denoncon ndëshkimin e Orikumit nga korrupsioni dhe inatet personale Gjiknuri-Balluku.
Stacioni elektrik 110/120 kV ka përfunduar 5 vite më parë, por furnizimi vazhdon me 10 kV.
Dy viktima vetëm në 10 ditët e fundit nga rrjeti i vjetër elektrik në Orikum.
Lexoni denoncimin më poshtë.
Doktor miredita,uroj qe te jeni mire,me poshte po trajtoj nje mendim,
Sot ne komisionin per Veprimtarite Prodhuese, Tregetine dhe Mjedisin u diskutua Projektligji Per ratifikimin e marreveshjes ndermjet Keshillit te Ministrave te Republikes se Shqiperise dhe qeverise se Republikes se Italise, lidhur me nje hua koncensionare per programin ” Permiresimi i rrjetit te shperndarjes se energjis elektrike ne Shqiperine Veriore”
Gjate diskutimeve ne komision, zv ministri Ilir Bejtja la te nenkuptohet qe per humbjen e jetes se manovratorit te autokombanjes ne zonen e Orikumit nuk e ka pasur fajin linja elektrike, sepse linja aty ka qene me kohe, por e ka fajin viktima, sepse sipas tij nuk duhet te kalonte me autokombanje poshte linjes, por duhet te ecte paralel me linjen.
Per kete pjese i takon eksperteve te Inspektoriatit Shteteror Teknik dhe Industrial te shprehen, dhe jo zv Ministrit.
Ajo cfare dua te them, eshte qe ne 2016-ten Shqiperia nenshkroj nje marreveshje te ngjashme me qeverine Italiane, si kjo qe u diskutua sot ne komision per ndertimin e rrjetit elektrik 20kV ne zonen e Orikumit.
Marreveshja u sabotua me qellimin e vetem qe punimet per ndertimin e rrjetit 20kV ne zonen e Orikumit ti merrte firma Gjikuria e lidhur ngusht me ministrin e kohes Gjiknuri.
Ministri Gjiknuri mbasi e deshtoj projektin prej 16 milion euro me Koperacione Italiana, ja dha per detyre ndertimin e rrjetit 20kV te Orikumit Operatorit te Shperndarjes se Energjise Elektrike.
Dhe ne 2018 u hodh per tu tenderuar nga OSHEE, ne APP Agjencin e Prokurimit Publik tenderi me vlere 4 miliard leke per ndertimin e rrjetit 20kV ne zonen e Orikumit.
Por, ministri Gjiknuri u shkarkua nga posti ne ate kohe, dhe ne vend te tij erdhi Belinda Balluku. Kjo menjehere e anulloj tenderin e Gjiknurit, dhe qe ateher ky investim ngeli pa u realizuar. Dhe sot e kesaj dite Orikumi eshte akoma me rrjetin e vjeter 10kV, megjithese nenstacioni i ri 110/20 kV ka mbaruar qe ne 2018, dhe pret ndertimin e rrjetit 20kV qe te shfrytezohet.
Pra, ajo qe dua te them eshte qe nqs rrjeti 20kV me linja kabllore te futura nen toke do kishte perfunduar, i planifikuar te mbaronte ne vitin 2018, kohe kur mbaroj se ndertuari nenstacioni i ri elektrik 110/20kV, humbja e jetes se manovratorit te autokombanjes nuk do kishte ndodhur(para 10 diteve ka vdekur ky person duke korrur grurin).Ju pershendes
